الشاعر هاجد السبيعي وقصيدة روعة من روائعه

انتثر يوم شفتك من يدي القصيد
جيت المه ولكن ماقدرت أجمعه
جيت ابكتب قصائد في جمالك عبيد
مثل شيخٍ يوقف والخدم تتبعه
جيت احاول ولكن ضاع كل المفيد
من نظرتك بعيني صرت في معمعه
فيك شيخ القصائد بالوصف مايجيد
لو يحاول بوصفك ماكمل مطلعه
كل عينٍ تشوفك لو نظرها حديد
ينكسر مايحقق لو ربع مطمعه
لاتماري بزينك وانت زينك فريد
لاتماري بزينك وانت بامرك سعه
جل من صورك يازين مالك ضديد
الله اللي عطاك الزين يامروعه
ماملكني سواك ولاجرحني اكيد
ولاخذى القلب غيرك ياحبيبي معه
مع هوى الغير لايمكن حبيبي احيد
وكل صوتٍ ينادي بالهوى ماسمعه
لو عطاني القمر في يد والشمس فييد
غيرك انت بحياتي حالفٍ ماتبعه
لو ديارك حبيبي عن دياري بعيد
عنوتي لاجل اشوفك رحلةٍ ممتعه